Cossa vulio che possa dirve mi che son na pora oroscopara dea mutua. Quando che le stele le ve la ghà giura… non ghe xe niente da fare! Rassegneve.



Vialtri in stò periodo a si un fià massa curiosi e lo savì come che la va a finire. Imparè a farve un paco de fati vostri. Ciacoloni.



Daxive na calmada con l’altruismo. Xe na gran bea roba ma in sti tempi de vache magre mejo risparmiare, scolteme mi.



Una dele robe che me piaxe de pi de vialtri cancareti xe che si bravi tosati sempre pronti a verxare i vostri orizonti. Vanti cussi che fò el tifo anca mi.



Vardè che sul vostro mestiero le insidie e queli che voe ciavarve el posto i xe sempre de pi. O imparè a svejarve fora… o si semplicemente fregati! Pi ciaro de così?



Ricordeve na roba i treni i passa una, massimo, do volte se ghavi culo… e visto che vialtri si notoriamente sfigai, ve convien montar su anca sensa biglieto.



Basta muso duro e bareta fracà. Un soriseto ogni tanto fa ben a vialtri e anca a queli che lo ciapa. Ocio al venare: giornata sfiga, ansi mejo star casa.



Dovì xugharve un fià dele vostro amicisie importanti ma al momento xe l’unica solusion par risolvere la rogna, grossa che ghavi par le man.



Se ghavi na speransa, anca timida, che i vostri sogni i possa diventare realtà serve che ve daxi da fare! Movare el culo please!



De solito a si vialtri i protagonisti asoluti in uficio, a scola,casa… stà setimana però che sarà qualchedun che ve riportà coi pie par tera! Xera ora.



Saria mejo rivadare le vostre abitudini in tola. Lo so anca mi che la sopressa de Vali con la poenta de Maran e le siole soto axeto de Carrè le xe bone, ma tute le sere no! Ostrega!



Dopo tante ciacole finalmente se presenta l’ocasion dea vostra vita. Ocio a non farxe trovare coe man in man. Dai cari dai che del doman non v’è certessa, come che dixea el poeta.